OFERTA PARA ASOCIADOS

Prezos especiais en consultoría enerxética para os establecementos asociados.

SOBRE A EMPRESA:

Esedegal é unha empresa de servizos e consultoría enerxética situada en Santiago de Compostela que atende a clientes en toda España. Levamos no mercado máis de 15 anos e temos como máxima a consecución da excelencia na realización de tódolos nosos traballos.

Ofrecemos o asesoramento necesario para unha correcta elección da comercializadora de electricidade e gas, podendo elexir entre as mellores ofertas das diversas compañías enerxéticas. 

Sabendo que os erros nas facturas son unha constante, tamén ofrecemos un servizo para o seu control mensual co fin de detectar os posibles erros, xestionando as posteriores reclamacións ata que o cliente recupere as cantidades mal facturadas. 

Dispoñemos dun equipo técnico formado por enxeñeiros e electricistas que se ocupan de auditar as instalacións para detectar as posibles oportunidades de mellora co fin de lograr un aumento na eficiencia enerxética das mesmas, reducindo así os seus custos.

Este mesmo equipo técnico dimensiona, diseña e executa instalacións de enerxías renovables, apostando pola xeración de «enerxía verde».